سيدة، مصرية أثرت في التاريخ بكل المعاني،
هيباتيا،
عاشت هيباتيا في مشارف العصور الوسطي في مدينة الاسكندرية، وكانت فيلسوفة وعالمة رياضيات حرة ...
محبي المعرفة والباحثين عن الحقيقة كانوا بيسافروا علشان يتعلموا منها
دروسها كانت كانت بتجمع مختلف الثقافات والديانات، كان في اليهود والمسيحيين والصابئين والوثنيين والملحدين واتباع الديانة المصرية القديمة كمان، ومش بس كده، ده كان الاغريق والرومان بيجوا يحضروا دروسها، غير بعض الملوك والامراء.
لكن طبعا مفيش حد بيقول الحقيقة وبيتساب في حاله، خصوصا ان هيباتيا ظهرت في بدابة عصور مظلمة كلها جهل وظلم، فبعض رجال الدين استغلوا سلطتهم الدينية وشجعوا الناس علي التطرف، فاستغلوا قوتهم ونفوذهم في تأليب الشعب عليها، خصوصا ان هيباتيا سيدة وكمان بتدرس فلسفة !
وكانت نهايتها إنها اتعذبت بابشع الطرق لحد لما اتقتلت، ولكنها ماتهزتش ولا لحظة علشان تنورلنا طريق الحق، وطبعا ده علي عكس علماء كتير بيختاروا انهم يبقوا شطار ويسمعوا كلام علشان يرضوا اصحاب السلطة.
وبالرغم انها لم تتزوج لكنها كانت ام لكل مريديها ومازالت شمعة مضيئة في كل العصور المظلمة ومن اهم معالم الاسكندرية.
هيباتيا رمز للقوة ورمز للحب في نفس الوقت.
هيباتيا ماسبتش لينا اي مؤلفات لكنها سابت لينا قدوة ومثال حياة عشان يلهم سيدات العالم بعدها ب1600 سنة !
المصدر الأخ #بحب_الحكمة #Ba7eb_el7ekma
ليست هناك تعليقات:
إرسال تعليق