نيسمين او نيس مين وممكن تكتب بطرق شتى المقطع الاول نيس نيسو نيسى نس وهو يترجم او معناه الذى يخص كذا وتنفع لكل الضمائر وبيجى غالبا بعدها اسم نترو ولها لفظ اخر ممكن تقول ارى نثر معنها يخص الاله على طول لكن الاولى تترجم ايضا الذى يخص الاله او ممكن حرفيا الواحد الذي يخص الاله او الشخص الذى يكون يخص الاله وكلمة اله هنا تجاوزا لأن ترجمتها كائن او كيان او تجلى وليس اله ولكن هذا مقال آخر ..
المهم نرجع للحج نيس مين وطبعا انتو عرفتوا مين هو النتر "مين" وايه هى خصائصه ومش هشرحه لأنه قله ادب ههههههههههه الرجاله اللى جالها استدعاء الجيش السنه اللى فاتت معايه قضيت الاستدعاء اشرحلهم الفرق بين النتر "مين" والنتر "بس" ..
المهم هو مين دا نتر مكانه الإقليمي هو سوهاج او تحديداً اخميم الحج اللى يخص مين دا او محسوب مين او من اتباع مين او من رجاله مين بالصعيدى كده دا من عيله اخميميه وبيرجع تاريخه للفترة البطلمية 2000 الفين عام تقريباً وتحديداً من 30 الى 200 عام قبل الميلاد ..
وعيلته اخميمية اصيله والده يدعى جد حور من اخميم وكان كاهن فى معبد النتر "مين" ايضاً وامه كانت مغنية المعبد وايضا الخاص بالنتر "مين" المومياء ملفوفه بحاله جيده بلفائف الكتان و الكرتوناج المذهب والمجصص والذى يعد بحاله جيده جدا ونقوشه اكثر من رائعة..
نيجى للبيانات المؤسفة التابوت والمومياء وبعض المتعلقات الأخرى تم العثور عليهم فى بعثات تنقيب ماسبيرو ايضا خبر حزين من نتائج الفحوصات والاشعه المقطعيه الحج نيسمين مات وعنده التهاب مفاصل مات فى منتصف العمر من 35 الى 40 عام و ملفوف حوالين جسده تحت الكتان اكتر من 31 تميمة تعويذة ومنهم عين الودجات التي شرحتها سابقا فوق جبينه هتلاقى فى الصور بالأشعة شكلها ومكانها وملفوف على ايديه الرسغين اساور تخص النتر تحوت ولم يتم استخراجهما لانه سيؤدي الى تدمير المومياء واخيرا كالعاده كل شىء جميل هتلاقيه محفوظ فى المتاحف خارجية وهذا ستجده فى متحف المتروبوليتان للفنون في سنترال بارك في نيويورك .
#البابوني_الحكيم
#عجائب_وطرائف_علم_المصريات_6
#حقن_عضل_كيمتيه 10
#جلال_علام_علم_المصريات
ليست هناك تعليقات:
إرسال تعليق